Benvidos ao Museo do Mar de Galicia, un lugar onde comprender a larga vinculación histórica dos galegos co mar a través do seu aproveitamento e coñecemento.
Grandes cubos iluminados que suxiren contedores de mercadorías portuarias conforman a exposición permanente, na que podemos ver documentos de vídeo e audio, pantallas interactivas e obxectos orixinais relacionados coa historia da pesca. Pero o Museo do Mar non só é a colección permanente: explora tamén as exposicións temporais.
O Museo do Mar de Galicia, como institución que investiga e divulga, está a traballar en ambiciosos proxectos en colaboración con outros organismos como A memoria do mar, o proxecto Neuston ou o encontro de embarcacións tradicionais de Galicia.
Este mércores 22 de maio ás 20:00 h, terá lugar no noso museo a inauguración de VII Mostra de Modelismo Naval. Amonaga 2013, na que poderán disfrutar de verdadeiras xoias deste arte.
Este ano a mostra conta como artista invitado con Pedro Iglesias Penedo.
A mostra estará aberta nas seguintes datas:
Do 23 de maio ao 30 de xuño
Horario: de martes a domingo
O Museo do Mar de Galicia quere celebrar este día realizando unha xornada de portas abertas, para que todas aquelas persoas que desexen gozar deste día connosco o poidan facer de forma gratuíta, ofrecendo ademais toda unha serie de actividades didácticas onde poderán vir a divertirse e aprender tanto os máis pequenos coma os maiores.
Pódese consultar o programa de actividades premendo aquí
Todas as actividades requiren reserva previa
Teléfono: 986247750
Horario para reservas: de martes a venres de 10 a 14h e de 17 a 19 h
Cando: Xoves 16 de maio
Horario: de 19:30 a 21:30
Onde: Auditorio do Museo do Mar de Galicia
Entrada de balde.
Este xoves 16 de maio remata o ciclo de conferencias sobre Arqueoloxía Subacuática celebrado no noso museo.
Nesta ocasión contaremos coa presenza do arqueólogo Miguel San Claudio, da empresa ARCHEONAUTA S.L., quen virá a falarnos de do “Proxecto Finisterre” e o pecio “SS Great Liverpool”.
Ademais poderase ver unha pequena exposición das pezas atopadas nas intervencións.
O Museo do Mar de Galicia quere celebrar o día do libro agasallando cunha das súas publicacións a todas as persoas que se acheguen este sábado 27 e domingo 28 de abril a visitar as nosas instalacións.
Lembrámosvos que o horario de apertura é de 10 a 14h e de 17 a 19h (o acuario pecha ás 18:50h).
Non perdades esta gran oportunidade e animádevos a visitarnos!
*ata esgotar existencias.
Horario de apertura:
de martes a domingo
Mañá: de 11 a 14 h
Tardes: de 17 a 19 h (ata o 14 de xuño) e de 17 a 20 h (dende o 15 de xuño)
Selección de fotografías do Museo de Pontevedra, que atopa no Museo do Mar de Galicia un marco moi apropiado para a sua exhibición
Selección de 85 fotografías temáticas sobre a costa galega (maioritariamente de Vigo e Bouzas) do Arquivo Pacheco feitas entre 1895 e 1960. Asemade inclúe dúas fotografías de Filippo Prosperi. Comisario: Vítor Vaqueiro.
Proxecto Costa da Morte é o resultado de convidar tres artistas a traballar na zona de Fisterra, sen ningunha esixencia narrativa ou descritiva. Non se trataba de realizar tres reportaxes sobre esta zona, senón ce convertela en territorio de creación artística, de xeito que aparecese reflectida só na medida en que eles determinasen libremente en función dos seus proxectos estéticos.
Darwin Navegando no Beagle é unha invitación á aventura do coñecemento vivida nas expedicións científicas: oceánicas, terrestres, espaciais.
(Do 17 de xullo ao 13 de setembro)
Ir a l’encesa, é pescar de noite cun verdadeiro lume a bordo, eis o seu nome. A teranyina, a pesca de cerco, está fortemente arraigada no país catalán e forma parte das historias dos nosos devanceiros e, sobre todo, da cultura mediterránea.
A través da arte contemporánea, quero compartir e amosar a opinión pública a arte de pesca de la teranyina, para que a súa vez tome conciencia e aprenda a valorar e apreciar a colleita que se obtén.
Reflexos de prata que habitan nas profundidades abisais da mente.
Fragmentos de soños e anhelos navegando perezosos pola inmensidade da alma.
Sensuais reflexos vestidos de xoias.
Misteriosos reflexos nacidos da auga.
Tomando como metáfora o neuston, que define a comunidade de organismos que viven asociados á superficie, na interface auga-aire, o proxecto explora a interface ciencia-arte, suscitando un diálogo entre investigadores científicos e creadores artísticos ou literarios, no entorno do mar e das ciencias mariñas en Galicia.
O traballo de investigación recolleu diferentes tipoloxías de embarcacións tradicionais e salientou as diferencias entre fasquías que cadansúa presenta ao longo da costa.
A exposición está composta por 43 paneis nos que dase conta da enorme riqueza patrimonial marítima que hai no Norte de Galiza, un mar e unha costa diferente.
O Museo do Mar de Galicia trae a escena a obra de catro artistas galegos que teñen como leit-motiv o patrimonio marítimo. Galicia, cos seus 1000 km de costa, posúe espazos únicos que propician reflexións inéditas: o rostro a salvagardar do saber facer tradicional visto polos artistas contemporáneos.
As visións do bacallau analiza a pesca deste peixe en Galicia e Portugal a través das fotografías de Alain Villiers de pesca a liña A campaña do Argus, cedidas polo museo de Ilhavo (Portugal) e a pesca de arrastre dos barcos galegos en Barcos de Xeo de Lucien Girardin.
Exposición colectiva de pintura e fotografía sobre os faros galegos comisariada por Pilar Corredoira.
Avenida Atlántida 160. 36208 Vigo.
T 986247750
F 986247748
Facebook | Twitter | Contacto | Traballa con nós | Amigos do Museo do Mar
